१३ कार्तिक,घोराही-
नेपाल कम्युुनिष्ट पार्टीका महासचिब नेत्रविक्रम चन्द बिप्लबले संसदिय व्यवस्था असफल भैसकेको दावी गर्नुभएको छ । पार्टीको युवा संगठन नेपालको चौथो राष्ट्रिय सम्मेलनको आज घोराहीमा उद्घाटन पछि बोल्दै महासचिब विप्लबले संसदिय व्यवस्थाले जनताको अधिकार स्थापित गर्ने भन्दा खोस्ने र नेताहरु मात्रै मोटाउने काम भएको दावी गर्नुभएको हो ।
अबको व्यवस्था जनमत संग्रहबाट अघि बढ्नुुपर्ने धारणा राख्दै त्यसो अबस्था आए आफुुहरु चुुनाबमा जाने स्पष्ट पार्नुभयो ।
राज्य सत्ता अहिले संकटपूर्ण अबस्थामा रहेको टिप्पणि गर्दै महासचिब विप्लबले न्यायलयमा समेत प्रश्न उठ्नु दुुर्भाग्यपूर्ण भएको जिकिर गर्नुुभयो । नेकपा एमाले, नेपाली कांग्रेस र माओबादी केन्द्र सत्तामा पुुगे पनि सत्ता र अधिकार जनतामा फर्काउन नचाहेको दावी गर्नुभयो ।
भ्रष्टाचार, ढिलासुस्ती, घुुसखोरीमा सबै लिप्त भएको तर जनताको अधिकार र न्याय स्थापितमा ध्यान नदिदा अहिलेको व्यवस्था माथी प्रश्न गर्नुपर्ने बाध्यता आइपरेको उल्लेख गर्नुभयो । नेता बिप्लबले अमेरिकी सहयोग एमसिसी सहयोग लिन सकिने तर निस्वार्थ हुनुुपर्ने बताउनुुभयो ।
साथै महासचिब बिप्लबले सरकार सँग भएका सम्झौताको कार्यान्वयन हुन नसकेको प्रति आक्रोश समेत व्यक्त गर्नुभयो । तत्काल सहमती कार्यान्वयन गरेर इमान्दारीता देखाउने समेत सरकारलाई उहाँले आग्रह गर्नुभएको छ ।।
