१३ कार्तिक,घोराही –
दाङका दुई युवा ब्राउन सुगरसहित नेपालगञ्जको जमुनाहाबाट पक्राउ परेका छन् । उनीहरुलाई ३ ग्राम २ सय ५० मिलिग्राम ब्राउन सुगरसहित प्रहरीले पक्राउ गरेको हो । पक्राउ पर्नेमा तुलसीपुर उपमहानगरपालिका १ का २२ बर्षिय प्रकाश बिक र सोही ठाउँ कै २६ वर्षका समिर बिक रहेका छन् ।
ईलाका प्रहरी कार्यालय जमुनाहा र लागु औषध नियन्त्रण ब्यूरो टोलीले चेकजाँच गर्ने क्रममा भारतबाट नेपालतर्फ आउँदै गरेका उनीहरुलाई पक्राउ गरिएको जिल्ला प्रहरी कार्यालय बाँकेले जनाएको छ ।
उनीहरुको साथबाट लागु औषध ब्राउन सुगर जस्तो देखिने कालो प्लाष्टिकमा बेरेर राखेको अवस्थामा बरामद गरिएको हो । उनीहरुलाई नियन्त्रणमा लिई थप अनुसन्धान गरिरहेको प्रहरीले जनाएको छ ।।
प्रकाशित मिति : २०७८ कार्तिक १३ गते शनिवार
