१५ माघ,घोराही – दङ्गाली गायक एवं संगितकार विपिन घिमिरेको स्वर र संगीत रहेको नयाँ गित ‘जाल बुन्यो’ बजारमा आएको छ । लामो सयमदेखि संगितक्षेृत्रमा क्रियाशिल घिमिरेलाई गायिका सुजाता केसीले साथ दिनुभएको छ । गीतमा शिव अधिकारीको शब्द रहेको छ । गत शुक्रबार काठमाडौंमा पत्रकार सम्मेलन गर्दै गीतको भिडियो प्रिमियर गरियो । कार्यक्रममा गीतको निर्माण टिमसँगै कलाकारको उपस्थिती थियो ।
गीतको भिडियोमा ट्विन्स गर्ल प्रिज्मा खतिवडा र प्रिन्सी खतिवडासँगै ट्विन्स ब्वाय अमर दाहाल र अमृत दाहालको नृत्य रहेको छ । मानकृष्ण महर्जनले खिचेको भिडियो विकाश ज्ञवालीले सम्पादन गरेका हुन् भने भिडियोमा निर्देशन र कोरियोग्राफि रामजी लामिछानेको रहेको छ ।
कार्यक्रममा गायिका सुजाताले निकै मिहिनतका साथ गीतको अडियो र भिडियोमा काम गरेको र दर्शकले मन पराउनेमा विश्वास व्यक्त गर्नुभयो । गायक विपिनले पनि युवापुस्तासँगै सबै वर्गका दर्शकलाई मन पर्ने खालको गीत बनाइएको भन्दै गीत सबैलाई मन पर्नेमा विश्वास व्यक्त गर्नुभयो । भिडियोका कलाकारले काम गर्दा टिम राम्रो भएकाले भिडियो पनि राम्रो बनेको प्रतिक्रिया दिएका थिए । निर्देशक रामजी लामिछाने र गायिका सुजाताको यो दोस्रो सहकार्य हो । यसअघि सुजाताको ‘राती राती फोन गर्ने’ बोलको गीतमा राजमीकै निर्देशन थियो ।।
