१४ पुस, घोराही –
सल्यानमा पछिल्लो समय करिब १२ हजार नयाँ मतदाता थपिएका छन् । नयाँ मतदाता थपिए पछि सल्यानमा कुल मतदाताको संख्या एक लाख ५८ हजार २ सय ९६ पुगेको छ ।
२०७४ सालमा सम्पन्न निर्वाचनमा जिल्लाभर एक लाख ३४ हजार २ सय १३ मतदाता रहेका थिए । गत मंसिर १७ गतेदेखि निर्वाचन आयोगले शुरु गरेको फोटो सहितको मतदाता नामावलीमा नाम छुटेकाहरुको नामावली संकलन अभियान अन्र्तगत ११ हजार ८ सय ५४ मतदाताको नामावली संकलन गरिएको हो ।
गत कार्तिक सम्म सल्यानमा एक लाख ४६ हजार ४ सय ४२ मतदाता रहेका थिए । स्थानिय पालिकाबाटै २० दिनसम्म मतदाता नामावली संकलनको अभियान संचालन भएपछि थप ११ हजार ८ सय ५४ जना मतदाताको नामावली संकलन भएको जिल्ला निर्वाचन कार्यालयले जनाएको छ ।।
प्रकाशित मिति : २०७८ पुष १४ गते बुधवार
