१२ मंसिर,घोराही-
दाङको तुलसीपुरमा भिरबाट लडेर एक जनाको ज्यान गएको छ । भिरबाट लडेर तुलसीपुर–९ छिल्लीकोटका ६६ वर्षीय रामबहादुर पुनको ज्यान गएको हो ।
घरबाट बिजौरीतर्फ भकारी बेच्न आएको र फर्कने क्रममा झुल्के सामुदायिक वनको चोरकाटे भिरबाट लडेर उहाँको ज्यान गएको पुनका छोरा प्रकाश पुनले जानकारी दिनुभयो ।
पुनको शव पोस्टमार्टमका लागि राप्ती प्रादेशिक अस्पताल तुलसीपुरमा राखिएको प्रहरीले जनाएको छ ।।
प्रकाशित मिति : २०७८ मङ्सिर १२ गते आइतवार
