१५ फागुन,दाङ –
पश्चिम दाङको एक घरमा आगलागी भएको छ । शान्तिनगर गाउँपालिका वडा नम्बर ५ बैशा निवासी बिष्णु प्रसाद शर्मा (ठिङबाङगे)को घरमा आज दिउसो करिब १ बजे तिर आगलागी भएको हो ।
घरमा कोहि नभएको बेला एक्कासी आगलागी हुँदा नगद ३ लाख, लत्ता कपडा सहित करिब १५ लाख क्षतिको अनुमान गरिएको शान्तिनगर गाउँपालिका वडा नं. ५ का वडा अध्यक्ष गिरीराज बस्नेत जानकारी दिनुभयो । प्रहरी, जनप्रतिनिधि, स्थानीयबासीले आगो करिब १ घण्टा पछि नियन्त्रणमा लिएका थिए ।
आगो कसरी र के कारण लागेको भन्ने बारे अनुसन्धान गरि रहेको इलाका प्रहरी कार्यालय खिलतपुरले जानकारी दिएको छ । केहि दिन अघि पनि उनैको पक्की घरमा आगलागी भएको थियो ।।
प्रकाशित मिति : २०७८ फाल्गुन १५ गते आइतवार
