१२ बैशाख,घोराही ।
बाँकेमा सवारी दुर्घटना हुँदा दाङका एक जना महिलाको मृत्यु भएको छ । ट्याक्टरले मोटरसाईकललाई ठक्कर दिदा मोटरसाईकलको पछाडी सवार तुलसीपुर उपमहानगरपालिका वडा नम्बर ८ निवासी अन्दाजी ४१ बर्षीय शारदा सापकोटाको मृत्यु भएको हो ।
नेपालगञ्जमा नातीनीको भात खुवाई सकेर फर्किने क्रममा हिजो दुर्घटना हुदा उहाँको मृत्यु भएको हो । बाँकेको खजुरा नजिक पछाडीबाट आएको ट्याक्टरले सापकोटा सवार मोटरसाइकललाई ठक्कर दिदा उहाँको घटना स्थलमै मृत्यु भएको प्रहरीले जनाएको छ । मोटरसाईकल मृतकका छोरा २२ बर्षीय दीपक सापकोटाले चलाएको जनाइएको छ । छोरा पनि घाइते भएको र उपचार पछि घर फर्किएको जनाईएको छ ।।
प्रकाशित मिति : २०७८ बैशाख १२ गते आइतवार
