७ कात्तिक,घोराही –
सल्यानमा जीप दुर्घटना भएको छ । जिल्लाको थारमारेबाट दाङको तुलसीपुर तर्फ आउदै गरेको भे १ त १८९० नम्बरको जीप दुर्घटना भएको हो । कपुरकोट गाउँपालिका ३ बनस्पती खोलामा जीप दुर्घटना भएको छ । दुर्घटनामा परेर घाईते हुनेमा बागचौर २ बस्ने २० वर्षिय चालक हिक्मत पुन मगर, सोही ठाउँका १९ वर्षिय अर्जुन के.सी, बागचौर १ का १४ वर्षिय आयुस बस्नेत, २२ वर्षका मनोज बस्नेत रहेका छन ।
त्यस्तै बागचौर २ की २७ वर्षिय सिता ओली, सोही ठाउँकै वर्ष २८ कि बबिता रावल र उहाँकी ११ वर्षिय छोरी एसिका रेउले घाईते भएका छन् ।
जीपमा सवार एक जना अन्दाजी ३५ वर्षी पुरुषको ठेगाना खुलेको छैन भने उनको अवस्थामा गम्भीर रहेको जिल्ला प्रहरी कार्यालय सल्यानले जनाएको छ । घाइतेहरुको उद्धार गरेर उपचारको लागि राप्ती प्रादेशिक अस्पताल तुलसीपुर ल्याईएको छ ।गाडी सडकबाट एक सय मिटर भन्दा तल खोल्सामा खसेको छ । दुर्घटनाको कारण खुल्न सकेको छैन । ।