७ पुस,रोल्पा –
रोल्पाको एक होटलमा सुतिरहेका ३ जनामाथी आक्रमण हुदा ३ जना गम्भीर घाइते भएका छन । होलेरी स्थित होटलको एक कोठामा साझ सगैँ सुतेका ४ जना मध्य रुन्टीगढी गाउँपालीका वडा नम्बर ७ का भिम बहादुर थापा,सोहि ठाउँका सत्य भनिने सरोज पुन र सानोभेरी गाउँपालीका ४ खालचौर रुकुम पुर्व निवासी मैत वहादुर विक घाइते हुनुभएको इलाका प्रहरी कार्यालय होलेरीका प्रहरी प्रमुख जिवराज थापाले जानकारी दिनुभयोे ।
घटनाको सुचना लगतै विहान ३ वजे पुगेको इलाका प्रहरी कार्यालयको प्रहरी टोलीले उनीहरुलाई बेडमै रक्ताम्य अवस्थामा फेला परेको थियो । घाइतेहरुलाई प्रहरीले विहानै दाङ्गको राप्ती स्वास्थ्य विज्ञान प्रतिष्ठानमा पुर्याएपनि तेहा सम्भव नभएपछि ३ जनालाई छुटाछुटै स्थानमा रिफर गरीएको छ ।
३ जनाकै टाउकोमा गम्भीर चोट लागेको र अहिले पुनको उपचार भैरहवा,थापाको उपचार कोहलपुर र विकको उपचार नेपालगञ्जमा भैरहेको छ । यता सगैँ सुतेका मध्य अर्का एक जनालाई भने प्रहरीले आज दिउसो मात्रै पक्राउ गर्न सफल भएपनि घटनामा के कति सलग्न थिए भन्नेवारे अनुसन्धान भैरहेको प्रहरीले वताएको छ ।
३९ वर्षीया उनलाई रोल्पाको रुन्टीगढीकै हापखोलावाट पक्राउ गरीएको र थप अनुसन्धान जारी रहेको जिल्ला प्रहरी कार्यालय रोल्पाका प्रहरी प्रमुख विनोद घिमिरेले जानकारी दिनुभयो । प्रहरीले घटनास्थलवाट प्रयोग भएको रड बरामत गरेको छ ।।
