६ पुस,घोराही –
दाङमा प्रहरीले एक सय ५० ग्राम ब्राउन सुुगर सहित दुुई जनालाई पक्राउ गरेको छ । लमही नगरपालिका ९ अमिलियाबाट उक्त मात्रामा ब्राउनसुगर सहित दुईजनालाई पक्राउ गरेको दाङ प्रहरीले जनाएको छ ।
पक्राउ पर्नेमा बाँके जिल्लाको नेपालगंज उपमहानगरपालिका वडा नम्बर १८ कारकाँदो वस्ने ४५ वर्षिय चन्द्रा राना र भारतको उत्तरप्रदेश जिल्लाका १८ वर्षिय समिर अंसारी रहेको प्रहरीले आज पत्रकार सम्मेलज मार्फत सार्वजनिक गरेको हो ।
जिल्ला प्रहरी कार्यालयबाट सादा पोशाकमा खटिएको प्रहरी टोलीले लागुऔषध खैरो हिरोईन जस्तो देखिने गिलो अवस्थामा रहेको १५० ग्राम ब्राउनसुगर सहित दुई जनालाई पक्राउ गरिएको हो । प्रहरीले अहिले सम्मकै धेरै ब्राउन सुगर बरामद भएको दावी गरेको छ ।।
प्रकाशित मिति : २०७८ पुष ६ गते मङ्गलवार
