९ फागुन,दाङ- दाङमा लागुऔषध ब्राउन सुगर सहित दुई युवकलाई पक्राउ परेका छन् । पक्राउ पर्नेमा तुलसीपुर उपमहानगरपालिका ५ न्युरोड निबासी भुपलाल बिक रहेको ईलाका प्रहरी कार्यालय तुलसीपुरका डिएसी श्यामु अर्यालले जानकारी दिनुभयो ।
गोप्य सूचनाका आधारमा गएको प्रहरी टोलिले विकको आफ्नै घरको कोठामा शरीर खानतलासी गर्दा ८३० मिलि ग्राम ब्राउन सुगर पोका पारी राखेको अवस्थामा १७ वटा पुडिया बरामद गरेको प्रहरीले बताएको छ । युवकलाई प्रहरीले आइतबार साँझ पक्राउ गरेको हो ।
त्यसैगरी तुलसीपुर उप–महानगरपाललिका–१८ हेमन्तपुर निबासी २६ बर्षका देबराज देवकोटालाई पक्राउ गरेको छ । प्रहरीले देवकोटाको साथबाट ४ ग्राम ४४० मिलिग्राम ब्राउन सुगर बरामद गरेको छ । पक्राउ परेका दुबै जनालाई थुनामा राखेर थप अनुसन्धान भइरहेको प्रहरीले जनाएको छ ।।
प्रकाशित मिति : २०७८ फाल्गुन ९ गते सोमवार
