२०७८ माघ १३ गते बिहिवार

दाङ उद्योग वाणिज्य संघले सदस्यता नविकरणमा छुट दिने



२ साउन, घोराही –
दाङ जिल्ला उद्योग बाणिज्य संघले आफना सदस्यलाई सदस्यता नविकरण गर्दा छुट दिने भएको छ । कोरोनाका कारण व्यवसायमा परेको प्रभावमा सहयोग पुगोस भनेर नविकरणमा छुट दिएको संघका अध्यक्ष टंकसिह वुढाथोकीले जानकारी दिनुभयो ।

संघले साउन १ गते देखि असोज समान्त सम्म नविकरण गर्ने लाई २० प्रतिशत छुट दिएको उहाँको भनाइ रहेको छ । यसले व्यवसायीहरुलाई थोरै भए पनि सहयोग पुग्ने उहाँले बताउनुभयो ।

यसैविच संघले कार्यालय वाट अन्तारीक राजश्वको आयकर र अन्त शुल्क इजाजत पत्रको नविकरण र कर चुक्ता प्रमाण पत्र समेतको सेवा संघको कार्यालय बाटै सुरु गरेको संघका महासचिव महेन्द्र बुढाथोकीले जानकारी दिनुभएको छ ।

संघवाट सेवा प्राप्त भएपछि व्यवसायीहरुलाई तुलसीपुर सम्म पुग्नु पर्ने वाध्यता हटने छ । जसले गर्दा आर्थिक तथा समयको समेत बचत हुने उहाँको भनाइ रहेको छ । सरकारले करमा साना व्यवसायी लाई ९०% छुट, मझौला व्यवसायीलाई ७५% छुट र ठूला व्यवसायीलाई ५०% छुट दिएको छ ।

लकडाउन खुकुलो भए पनि कोरोना सङक्रमको जोखिम कायम नै रहेकाले व्यापार ब्यबसाय गर्दा नेपाल सरकार स्वास्थ्य मन्त्रालयले जारी गरेका सबै स्वास्थ्य मापदण्ड पूरा गरी व्यापार ब्यबसाय सञ्चालन गर्न गराउन समेत अनुरोध गरेको छ ।।

 

प्रकाशित मिति : २०७८ साउन २ गते शनिवार
प्रतिक्रिया दिनुहोस्