२०७८ असोज ११ गते सोमवार

चैतदेखि त्रिभुवन अन्तर्राष्ट्रिय विमानस्थल १८ घण्टामात्र खुल्ने



७ फागुन , दाङ। चैत १५ देखि त्रिभुवन अन्तर्राष्ट्रिय विमानस्थल १८ घण्टामात्र खुल्ने भएको छ। नेपाल नागरिक उड्डयन प्राधिकरणले विमानस्थल सञ्‍चालन समय २१ बाट घटाएर १८ घण्टामा सीमित पार्ने निर्णय गरेको छ। लकडाउनपछि खुलेको विमानस्थलमा उडान संख्या धेरै नभएको तथा दिउँसोकै समयमा पनि खाली भएकाले अतिरिक्त समय सञ्‍चालन गरेर लागत नबढाउने निष्कर्षमा प्राधिकरण पुगेको हो।

केही उडानका लागि विमानस्थल सञ्‍चालनको धेरै लागत बढाउनु उपयुक्त नभएकाले दिनमा १८ घण्टामात्र सञ्‍चालन गर्ने निर्णय गरिएको विमानस्थल कार्यालयका महाप्रबन्धक प्रताप तिवारीले जानकारी दिए। उडान गतिविधि पनि न्यून भयो। तर राति १२ बजेपछि सञ्‍चालन गर्दा अतिरिक्त खर्च हुने भयो। पहिले दिउँसो उडान धेरै हुन्थ्यो। बेलुकाको घाटा पूर्ति हुन्थ्यो। तर अहिले अवस्था त्यस्तो रहेन। तत्कालका लागि हामीले उडान समय घटाउने निर्णय गरेका हौँ’, उनले भन २०७५ साल जेठदेखि प्राधिकरणले विमानस्थल सञ्‍चालन समय बढाएर २१ घण्टा बनाएको थियो।

अबदेखि विमानस्थल बिहान ६ बजेदेखि राति १२ बजेसम्ममात्र खुला हुने छ। यो निर्णयपछि राति १२ बजेपछि उडान गर्दै आएका नेपाल एयरलाइन्स, जजिरा एयरवेज, एयर अरेबिया र कतार एयरवेजलाई उडान तालिका व्यवस्थापन गर्न पत्राचार गरिसकिएको तिवारीले जानकारी दिए।

प्रकाशित मिति : २०७७ फाल्गुन ७ गते शुक्रवार
प्रतिक्रिया दिनुहोस्