२०७८ बैशाख ५ गते आइतवार

कोरोना खोप भोलि नै नेपाल आउने



७ माघ । सरकारले बिहीबार नै नेपालमा कोरोनाविरुद्धको खोप ल्याउने भएको छ ।

स्वास्थ्य तथा जनसंख्या मन्त्री हृदयेश त्रिपाठी र भारतीय राजदूत विनय मोहन क्वात्राले बुधबार मन्त्रालयमा संयुक्त पत्रकार सम्मेलन गर्दै भारत सरकारको अनुदानमा कोरोना खोप ल्याउने जानकारी दिनुभएको हो ।

खोप अनुदान सहयोग गरेकोमा मन्त्री त्रिपाठीले भारत सरकारलाई धन्यवाद व्यक्त गर्नुभयो । उहाँले पहिलो चरणमा फ्रन्टलाइनमा खटिने योद्धाहरुका लागि खोप प्रयोग गरिने जानकारी दिनुभयो । ‘फागुनमा खोप ल्याउने घोषणा मैले गरेको थिएँ,’ उहाँले भन्नुभयो, ‘तर पहिलो खेपको खोप भोलि नै नेपाल आउने भएको छ ।’

मन्त्री त्रिपाठीले कानुनी, आर्थिक जटिलता हल गर्न सके बाँकी खोप पनि छिट्टै ल्याउने सकिने बताउनुभयो । उहाँले खोप आयातमा पारदर्शीता अपनाउने प्रतिबद्धता जनाउनुभयो ।

प्रकाशित मिति : २०७७ माघ ७ गते बुधवार
प्रतिक्रिया दिनुहोस्