२०७८ साउन १२ गते मङ्गलवार

रोल्पाको त्रिबेणीमा सचेतनामुलक कार्यक्रमको शुरूवात



६ माघ,रोल्पा ।
रोल्पाको त्रिबेणी गाउँपालिकाले समाजमा रहेका कुरिती,कुप्रथा,लैङ्गिक हिंसा मानव बेचबिखन तथा ओसारपसार विरुद्धको सचेतना मुलुक कार्यक्रमको शुरूवात गरेको छ। गाउँपालिकाको आयोजना तथा ईलाका प्रहरी कार्यालय होलेरीको संयोजनमा मंगलबार वडा नम्बर २ को कार्यालय नुवागाउँ स्थित सचेतनामुलक कार्यक्रम सम्पन्न गरिएको छ। महिला तथा बालबालिका शाखाले सहजीकरण गरेको कार्यक्रममा वडा नम्बर २ का अध्यक्ष कबिराज बुढा,ई.प्र.का.होलेरी प्रमुख इन्स्पेक्टर शंकर खड्का लगाएत करिब ६० जना स्थानिय महिलाहरुको सहभागीता रहेको थियो। कार्यक्रममा सहभागीहरुलाई इन्स्पेक्टर खड्काले प्रशिक्षण दिनुभएको हो।

महिलाहरु आफु शुरक्षित बन्न सबै भन्दा पहिले घरमा मदिरा बनाउन नहुने र आफु माथि कुनै खालको हिंसा भएमा तुरुन्त प्रहरीमा उजुरी दिन आग्रह गर्नु भएको छ।त्रिबेणी गाउँपालिकाले शुरूवात गरेको यो अभियानको प्रभाव राम्रो परेको स्थानिय महिलाहरुको भनाई रहेको छ। रोल्पामा अत्यन्त आवश्यक र महिलाहरुलाई लक्षित गरेर त्रिबेणी गाउँपालिकाले शुरूवात गरेको यो अभियानको प्रत्येक स्थानिय तहहरुले अनुसरण गर्नुपर्ने पत्रकार नन्दराम खड्काको भनाई रहेको छ।त्यस्तै चरण बद्व रुपमा यो अभियान सबै वडामा सम्पन्न गर्ने गाउँपालिकाको महिला तथा बालबालिका शाखाकि हिरा बुढाले जानकारी दिनुभएको छ।

प्रकाशित मिति : २०७७ माघ ६ गते मङ्गलवार
प्रतिक्रिया दिनुहोस्