२०७८ साउन १८ गते सोमवार

दाङ जिल्ला उद्योग बाणिज्य संघको अध्यक्षमा बुढाथोकी



२१ पुस ,दाङ। दाङ जिल्ला उद्योग बाणिज्य संघको आगामी कार्यकालका लागि भएको निर्वानबाट अध्यक्षमा टंकसिंह बुढाथोकी बिजयी भएका छन् । अध्यक्षमा विजयी बुढाथोकीले १ हजार २ सय ५७ मत प्राप्त गरेका थिए । अध्यक्ष पदका बागी उम्मेदवार बसन्त जोशीले १ हजार १३ मत लिएर पराजित भएका छन् ।
त्यस्तै कोषाध्यक्षमा १ हजार २ सय ६३ मत प्राप्त गरी सुशील पोख्रेल विजयी भएका छन् । कोषाध्यक्ष पदका बागी उम्मेदवार धनपति शर्मा ९ सय ८५ मत लिएर पराजित भएका छन् ।
सोमबार विहान आठ बजेदेखि भएको मतदानमा ५६ दशमलव १० प्रतिशत मतदाताले भाग लिएको निर्वाचन अधिकृत शिवप्रसाद घिमिरेले जानकारी दिए ।

कुल ४ हजार ३ सय ३८ मतदाता रहेको संघमा २ हजार ४ सय ३२ मत खसेको थियो । १ सय ५१ मत बदर भएको थियो । कुल २१ सदस्यीय रहने नयाँ कार्यसमितिमा अध्यक्ष र कोषाध्यक्ष पदबाहेक सबै पदमा सर्वसहमतिमा पदाधिकारी निर्विरोध चयन भइसकेको छ । तर, अध्यक्ष र कोषाध्यक्ष पदमा भने सहमति हुन नसकेपछि निर्वाचन भएको थियो।

अध्यक्षमा निर्वाचित बुढाथोकी र कोषाध्यक्षमा निर्वाचित पोख्रेलल साझा उम्मेदवार थिए भने जोशी र शर्मा स्वतन्त्र उम्मेदवार थिए ।

प्रकाशित मिति : २०७७ पुष २१ गते मङ्गलवार
प्रतिक्रिया दिनुहोस्