२०७८ साउन १९ गते मङ्गलवार

दाङमा आज एकै दिन तिन वटा पक्कि पुलको शिलान्यास



२५ मंसिर । दाङमा आज एकै दिन तिन वटा पक्कि पुलको शिलान्यास गरिएको छ । लुम्बिनी प्रदेशका मुख्यमन्त्रि शंखर पोखरेलले घोराही, तुलसीपुर र देउखुरीमा एक/एक गरी आज एकै दिन तिन वटा पक्कि पुलको शिलान्यास गर्नु भएको छ ।
तुलसीपुर उपमहानगरपालिका वडा नंम्वर १० राइखलियान र तुलसीपुर ८ टिकरी जोड्ने पातुखोला पुलको सिलान्यास मुख्यमन्त्री पोखरेलले गर्नु भएको हो । उक्त पुलको लुम्बिनी प्रदेश सरकारको ८ करोड ३१ लाख ६४ हजार दुईसय २५ रुपैया आर्थिक सहयोगमा निर्माण गर्न लागिएको हो ।

यस्तै यता घोराही उपमहानगरपालिका वडा नंम्वर १८ मसिनदेखी सैघा, मर्वेस र बंगलाचुली जोड्ने कटुवा खोला पुलको शिलान्यास पनि मुख्यमन्त्रि शंखर पोखरेलले गर्नु भएको छ ।

उक्त पुलको निर्माण सम्भौता २०७९ भदौ २० गने सक्ने गरी ३ करोड ८२ लाख ३२ हजार १ सय ८७ रुपैया ४३ पैसामा भएको छ । प्रदेश सरकारको आर्थिक सहयोगमा निर्माण हुन लागेको यो पुलको जय बुद्ध निर्माण सेवा प्राली काठमाण्डुले पाएको छ ।

यस्तै उता देउखुरीको राप्ति गाउँपालिका वडा नंम्वर ४ देखी ८ जोड्ने टोलही खोलामा पनि मुख्यमन्त्रि पोखरेलले पुलको शिलान्यास गर्नु भएको छ । प्रदेश सरकारको ५ करोड २० लाख ६ हजार ८ सय ७९ रुपैयाको लगानीमा निर्माण हुन लागेको पुलको जिम्मा जय बुद्ध जेवि काठमाण्डुले पाएको छ ।

मुख्यमन्त्री पोखरेलले पुल निर्माण नागरिक सहजतासँगै भौतिक विकासको आधार भएका बताउनु भयो । बर्खाको समयमा खोलानालाका कारणले नागरिकले पाएको सास्ति पुल निर्माणले अव अन्त्य हुने उहाँले बताउनु भयो

पुल नहुदा खोलाका कारणले उत्पादनलाई बजारसँग जोड्न हुने गरेको समस्या पनि यसले अन्त्य गर्ने उत्पादनलाई बजारसँग जोड्न सहज हुने धारणा उहाँले ब्यक्त गर्नु भयो । साथै उहाँले निर्माणको जिम्मा पाएको कम्पनीले पनि समयमै काम पुरा गर्नुपर्ने बताउनु भयो ।

भौतिक पूर्वाधार विकास मन्त्री बैजनाथ चौधरीको अध्यक्षतमा गरिएको पुल शिलान्यास कार्यक्रममा राष्ट्रिय सभा सदस्य कोमल ओली, प्रदेश सभा सदस्य डिल्ली चौधरी लगाएतले बोल्नु भएको थियो ।।

प्रकाशित मिति : २०७७ मङ्सिर २५ गते बिहिवार
प्रतिक्रिया दिनुहोस्