२०७८ जेष्ठ १ गते शनिवार

“म पार्टी एकताको पक्षमा छु” : उपाध्यक्ष गौतम



६ मंसिर । नेपाल कम्युनिष्ट पार्टी(नेकपा)का केन्द्रीय उपाध्यक्ष बामदेव गौतमले आफु पार्टीको कुनै गुटमा नरहेको बताउनुभएको छ । उहाँले अहिले पनि आफू पार्टी एकताको पक्षमा रहेको बताउनुभयो । तुलसीपुर उपमहानगरपालिकाले आयोजना गरेको भेटघाट कार्यक्रममा उपाध्यक्ष गौतमले अहिले पार्टीमा समस्या देखिएको भन्दै त्यो समस्या समाधान गर्न आफू निरन्तर लागिरहेको बताउनु भयो ।

‘ उहाँले भन्नुभयो म कुनै गुटमा छैन्, म सधै गुटको विपक्षमा हुन्छु, अहिले पार्टी भित्रका गुटले गर्दा नै यस्तो समस्या देखिएको हो’, अहिले पार्टी टुटफुट हुन्छ, की भन्ने आशंका छ, तर, मैले पार्टी एकतालाई जोड दिएको छु ।’

पार्टी एकताका क्रममा धेरै मतभेत रहेपनि ति मतभेतहरुलाई थाति राखेर एकता गरिएको र ति समस्याहरु अहिले आएर बल्झिएको समेत उहाँले बताउनुभयो ।‘हामीले एकताको बेला विचार, सिद्धान्तमा छलफल गरेनौं’, उहाँले भन्नुभयो हामीले त्यतिबेला हतार ग¥यो, धेरै मतभिन्नताहरु थिए, ति मत भिन्नताहरु अहिले आएर देखा परेका छन् ।’

एकताकै क्रममा थुप्रै समस्याहरु जन्मिएको भएपनि, त्यतिबेला पार्टीलाई न्वारवान मात्रै गरेको तर, समस्या समाधान नभएकाले अहिले यस्तो समस्या निम्तिएको र पार्टीले सरकार चलाउनु पर्ने भएपनि सरकार एकलौटी रुपमा चलेकाले पनि अहिले यस्तो समस्या निम्तिएको उहाँको भनाई छ ।

‘राजनीतिक संबैधानिक नियुक्तीका सन्दर्भमा पनि सरकारले पार्टीको सचिबालयमा छलफलका रुपमा ल्याउनु पर्ने र सचिबालयको राय, सुझाबका आधारमा अघि बढ्नु पर्ने हो’,‘ हामीले सरकारले ल्याएका नियुक्तीमा अस्वीकार गर्न त मिल्दैन, तर सुझाब दिन्थ्यौं, त्यो हुन सकेको छैन् ।’

पार्टीमा दुई अध्यक्षले बैठकको एजेण्डा तय, गर्ने र त्यही एजेण्डाका आधारमा सचिबालय, स्थायी कमिटि, केन्द्रीय कमिटिको बैठक बस्ने भएपनि अहिले दुई अध्यक्षमध्ये एउटाले बैठक बसौं, भन्ने र अर्कोले बैठक बसाल्न नमान्ने प्रबृतिले पनि बैठक बस्न नसकेको उपाध्यक्ष गौतमको भनाई छ । आफू गुटको सधै विपक्षमा भएपनि अहिले पार्टीमै तीन वटा सशक्त गुट भएको र पार्टीमा देखिएको बाधक नै गुट–उपगुट नै रहेको उनको भनाई छ । निर्वाचन आउन पनि अब धेरै समय नभएको भन्दै यो समस्या तत्काल समाधान गर्नुपर्ने समेत उहाँले बताए ।‘निर्वाचन आउन धेरै समय छैन्, एक÷डेढ बर्ष छ, त्यसैले यो समस्या तत्काल समाधान गर्नुपर्छ’, उहाँले भने‘नत्र भने यो गुट–उपगुृटले झन धेरै समस्या लिने र एउटा गुटले अर्को गुटलाई चुनाब नै हराउने अबस्था पनि आउन सक्छ ।’ पार्टी भित्र फरक विचार राख्नुले पार्टीलाई झनै चलायमान र मजवुत बनाउने भएपनि ठीक ढंगले अगाडी बढाउनु पर्ने उहाँको भनाई छ ।

अहिलेको परिस्थितिबाट पनि पार्टी एकता हुने हो । आफु ७ बर्षको हुँदा कम्युनिष्ट पार्टीमा आबद्ध भएको भन्दै उनले अहिलेसम्म आफु कम्युनिष्ट पार्टीका ४४ वटा पार्टी एकीकरणमा सहभागि भएको बताउनुभयो । ४४ वटा एकीकरणमध्ये २०७५ सालमा भएको तत्कालिन नेकपा एमाले र तत्कालिन माओवादी केन्द्रबीच भएजति ठूलो एकता अहिलेसम्म नभएको समेत बताउनुभयो ।

मुलुक समृद्धिको मार्गमा अघि बढेको भन्दै आफ्नै पालामा समाजवादको आधार तयार भएको देख्ने रहर भएको समेत बताउनुभयो ।‘ अझै ५÷६ बर्ष बाँच्छु की भन्ने आशा छ, यो अबधीमा मैले आफ्नै पालामा समाजवादको आधार तयार पारेको देख्ने धोको छ’, उहाँले भन्नुभयो ।

साथै उहाँले सरकारले घोषण पत्र अनुसार काम गर्न नसकेको समेत बताउनुभयो ।‘चुनाबी घोषणा पत्र भनेको त्यो जनतासंग गरेको बाँचा हो, तर त्यो अनुसार काम भएका छैनन्’, उहॉले भन्नुभयो । अहिले योग्दानमा आधारित सामाजिक सुरक्षा भत्ता कार्यक्रम बाहेक अन्य कुनै पनि लागु हुन नसक्नु दुःखद हो ।’ अझै पनि जनताले देख्ने गरि विकास हुन नसकेको उहाँको भनाई छ । सरकार लोकपृय भएन भने पार्टी मात्रै ठूलो भएर मात्रै केही गर्न नसकिने समेत उहाँले भन्नुभयो ।

तुलसीपुर उपमहानगरपालिकाका प्रमुख घनश्याम पाण्डेले स्वागत मन्तब्य ब्यक्त गरेको कार्यक्रममा नेकपाका केन्द्रीय सदस्य तथा प्रदेश सचिब जगप्रसाद शर्मा‘अपार’, जिल्ला अध्यक्ष टिकाराम खड्का, सांसद हिराचन्द्र केसीलगायतको सहभागिता थियो । बामदेव पारिवारिक भेटघाटकालागि जीवन संगिनी तथा सांसद तुलसा थापासंग दाङ आएको अबसरमा उक्त कार्यक्रम भएको थियो ।

प्रकाशित मिति : २०७७ मङ्सिर ६ गते शनिवार
प्रतिक्रिया दिनुहोस्