८ फागुन, घोराही-
रोल्पामा पिकअपले पैदल यात्रुलाई ठक्कर दिदा एक जनाको मृत्यु भएको छ । मृत्यु हुनेमा सुनिल स्मृति गाउँपालिका २ बस्ने ७७ वर्षीय लाला बहादुर भुषाल रहेको जिल्ला प्रहरी कार्यालय रोल्पाले जानकारी दिएको छ ।
आज बिहान पौने १० बजे सुनिल स्मृति गाउँपालिका ४ सुलिचौर बजारमा लु २ च ६८८६ नंंम्वरको पिकअपले पैदल यात्री भुषाललाई ठक्कर दिएको थियो ।
गम्भीर घाइते भुषाललाई तत्काल उपचारको लागि सुलिचौर स्थित प्राथमिक स्वास्थ्य केन्द्रमा लगिएको र केहि समय पश्चात मृत्यु भएको प्रहरीले बताएको छ । गाडी र चालकलाई नियन्त्रणमा लिएको प्रहरीले जानकारी दिएको छ ।।
प्रकाशित मिति : २०७८ फाल्गुन ८ गते आइतवार
