४ माघ, घोराही –
वेपत्ता भएको ६ महिनापछि रोल्पाका एक जनाको कंकाल फेला परेको छ । रोल्पाको त्रिवेणी गाउँपालिका ६ रिजाका ४५ वर्षिय ठाकुर नेपाली गत असार २३ गते बेलुकी देखि वेपत्ता हुुुनुुभएको थियो ।
छिमेकीको घरमा गएका ठाकुर वेपत्ता भएपछि छिमेकी लोकेन्द्र खड्काले यसअघि नै हत्या गरेको स्वीकारे पनि शव भने भेटिएको थिएन ।
माघ २ गते बिहान ७ बजे रोल्पा त्रिवेणी ६ निम्टेखोला छेउमा कंकाल फेला परेको इलाका प्रहरी चौकी जुगारका इन्चार्ज प्रहरी नायव निरिक्षक नन्दकुमार पोख्रेलले जानकारी दिनुभएको छ ।
आरोपित खड्काले हत्या गरेर शव गाडेको स्थान नबताएका कारण शव फेला नपरेको प्रहरीको भनाई छ ।
प्रकाशित मिति : २०७८ माघ ५ गते बुधवार