३ माघ,घोराही –
सल्यानमा लेखापालमाथी कुटपिट गर्ने गैती डन पक्राउ परेका छन् । बागचौर नगरपालिकाका लेखापाल प्रदीप डिसी माथी कुटपिट तथा दुर्व्यवहार गर्ने बागचौर नगरपालिका ७ का गैती डन भनेर चिनिने टिकाराम वलि पक्राउ परेको इलाका प्रहरी कार्यालय थारमारेले जनाएको छ ।
कामको शिलशिलामा आइतबार दिउँसो साढे ४ बजेतिर बागचौर नगरपालिका ७ बाट थारमारेतर्फ मोटरसाइकलमा फर्किदै गरेका लेखापाल डिसीमाथी मोटरसाइकल रोकेर वलिले हातपात तथा दुर्व्यवहार गरेको प्रहरीले जनाएको छ ।
हातपात गर्ने वलिलाइ अहिले इलाका प्रहरी कार्यालय थारमारेमा राखिएको छ ।
यसैबीच लेखापाल डिसीमाथी भएको हातपात तथा दुर्व्यवहारको बागचौर नगरपालिकाले बिरोध जनाएको छ । नगरपालिकाका निमित्त प्रमुख प्रशासकीय अधिकृत हरिबहादुर कठायतले जारी गरेको प्रेस विज्ञप्तीमा घटनाको भत्सर्ना गर्दै कारबाहीको माग गरिएको छ ।।
प्रकाशित मिति : २०७८ माघ ४ गते मङ्गलवार
