५ फागुन,घोराही –
रुकुम पूर्वमा ट्र्याक्टरले ठक्कर दिँदा एक जनाको मृत्यु भएको छ । सिस्ने गाउँपालिका–५ रानीकोटमा ट्र्याक्टरले ठक्कर दिँदा एक जनाको मृत्यु भएको हो ।
रानीकोटमा रा १ त १५६६ नम्बरको ट्र्याक्टरले ठक्कर दिँदा सिस्ने–५ सिलाका ४५ वर्षीय प्रेम परियारको मृत्यु भएको जिल्ला प्रहरी कार्यालयका प्रहरी निरीक्षक दिपेन्द्र बानियाँले जानकारी दिनुभएको छ ।
रानीकोटमा गिट्टी लोड गरेर रुकुमकोटतर्फ जाँदै गरेको ट्र्याक्टर अगाडि/पछाडि सार्ने क्रममा ब्रेक नलागि अनियन्त्रित भएर पल्टिँदा अगाडि उभिएको मान्छेलाई ठक्कर दिएको प्रहरी निरीक्षक बानियाँको भनाई छ ।।
प्रकाशित मिति : २०७८ फाल्गुन ५ गते बिहिवार
