३० असार, घोराही –दाङ प्रहरीले नङग्रा सिहतको रेडपाण्डाको छाला र काईनेटिक टल्लने ढुङ्गा सहित दुई जनालाई पक्राउ गरेको छ । घोराही उपमहानगरपालिका १६ गरुवामा प्रतिवन्धीत बन्यजन्तु रेडपाण्डाको छाला विक्रि वितरण भईरहेको छ भन्ने गोप्य सुचनाको आधारमा गएको प्रहरी टोलीले सुर्खेत भेरीगंगा नगरपालिका वडा नम्बर ८ का ५६ वर्षिय नर बहादुर बस्नेत र जाँजरकोट जुनीचाँदी गाउँपालिका वडा नम्बर ७ का ४८ वर्षिय डिल बहादुर रावतलाई प्रहरीले आज विहान पक्राउ गरेको हो ।
उनीहरुको साथबाटपुच्छर देखि टाउँकोसम्म २फिट १० ईन्च लम्बाई भएको नङग्रा सिहतको रेडपाण्डाको छाला एक थान , काईनेटिक टल्लने ढुङ्गा सानो ठुला गरि ३२ पिस, माईक्रोमाक्स लेखेको मोबाईल एक थान बरामद गरिएको जिल्ला प्रहरी कार्यालय दाङका सुचना अधिकारी मुकुन्द प्रसाद रिजालले जानकारी दिनुभयो । पक्राउ परेका माथी थप अनुसन्धान भैरहेको उहाँले बताउनुभयो ।।
