२६ मंसिर,घोराही –
दाङमा भ्रमणमा आएको स्कुल बस हिजो साझ दुर्घटना भएको छ । धारापानी मन्दिरको दर्शन गरेर फर्किने क्रममा घोराही उपमहानगरपालिका–३ चौपट्टा ओरालोमा दुर्घटनामा परेको जिल्ला प्रहरी कार्यालय दाङले जनाएको छ।
ओरालोमा ब्रेक फेल भएपछि चालकले बचाउन भित्तामा बस टसाएको र सो क्रममा भएको दुर्घटनामा परी कम्तीमा १० जना विद्यार्थी घाइते भएको जिल्ला ट्राफिक प्रहरी कार्यालय दाङका प्रमुख थम्मन जिसीले जानकारी दिए।
नेपालगञ्जस्थित भेरी विद्यामन्दिर राँझा को भे १ ख २२२१ नम्बरको बस दुर्घटनामा परेको हो । विद्यार्थीलाई सामान्य चोटपटक लागेको र उपचारका लागि लमही अस्पताल पु¥याइएको हो । कक्षा ५ देखि १० सम्म अध्ययनरत विद्यार्थी भ्रमणका लागि दाङ आएको जनाइएको छ ।।
प्रकाशित मिति : २०७८ मङ्सिर २६ गते आइतवार
