२६ कार्तिक,दाङ – दङ्गाली कम्युनिष्ट आन्दोलनका अग्रज नेता घोराही उपमहानगरपालिका खिरट्टे निवासी ७४ बर्षीय मेघ बहादुर बिसि को शुक्रवार आफ्नै निबासमा निधन भएको हो । दंगाली कम्युनिष्ट आन्दोलनमा नेता बिसिको ठुलो योगदान रहेको छ । पार्टीलाई जोगाउन घरवास ब्यक्तिगत जीवन त्याग गरि पंचायती ब्यबस्था बिरुद्ध लड्दै जादा दाङ बाँके बर्दिया कैलाली कन्चनपुर अछाम लगायत जिल्लामा पार्टीको जिम्मेवारी सम्पादन गर्दै निरन्तर कठिन यात्रामा सामेल रहेको दाङका अध्यक्ष टिकाराम खड्काले बताएका छन ।
उहाँले पार्टीलाई जीवन समर्पित गर्नुभयो तर पार्टी बाट केही नलिएको यस्तो अनुकरणिय नेताको निधनले आज कम्युनिष्टआन्दोलनलाई निकै ठूलो क्षति भएको खड्का बताउछन् ।
यसैबीच कम्युनिष्ट नेता विसिको निधनप्रति नेपाल कम्युनिष्ट पार्टी एमाले दाङ९देउखुरीले दुःख ब्यक्त गरेको छ । अध्यक्ष टिकाराम खड्का र सचिब मनोहर बुढाथोकीले एक शोक बक्तब्य जारी गरि दुःख ब्यक्त गरेका हुन् ।।
