२९ माघ, घोराही- पाचौ हापुर कप खुला नकआउट फुटबल प्रतियोगिताको टाइसेट सार्वजनिक गरिएको छ । हापुर युथ क्लब घोराही दाङको आयोजनामा फागुन १ गतेदेखि सञ्चालन गर्न लागिएको फुटबल प्रतियोगिताको टाइसेट सार्वजनिक गर्नुभएको हो ।
घोराही-१२ हापुर बिजौरी खेल मैदानमा सञ्चालन गर्न लागिएको फुटबल प्रतियोगिताको को तयारी पुराभएसँगै आईतबार टाइसेट सार्वजनिक गरिएको क्लबका अध्यक्ष विनोद वि.कले जानकारी दिनुभयो । खेलमा प्रतिस्पर्धा गर्न विभिन्न जिल्लाका क्लबबाट २७ टिम दर्ता भएका छन् ।
प्रतियोगितामा बिजेता टिमलाई नगद ५० हजार ५सय ५५ शिल्ड, मेडल र प्रमाणपत्र, उपबिजेता टिमलाई नगद रु २० हजार ५ सय ५५ शिल्ड, मेडल र प्रमाणपत्र प्रदान गरिने अध्यक्ष विकले बताउनुभयो । यस्तै विधातर्फ उत्कृष्ट हुने खेलाडीहरुलाई पुरस्कारसहित सम्मान गरिने समेत वि.कले बताउनुभयो । खेल फिमा नियम अनुसार गराइने खेल आयोजक समितिले जानकारी दिएको छ ।
