२५ कार्तिक, घोराही-
दाङमा भिरबाट खसेर एक जना वृद्धको मृत्यु भएको छ । तुलसीपुर उपमहानगरपालिका १ पातेघार निवासी ७० वर्षिय जरसिङ कामीको भिरबाट खसेर मृत्यु भएको इलाका प्रहरी कार्यालय खिलतपुरका प्रहरी निरिक्षक नविन चुडालीले जानकारी दिनुभएको छ ।
हिजो दिउँसो ४ बजेतिर घाँस काट्न भनि निस्कीएका कामीको आफ्नै घर नजिकको बारीमा घाँस काट्न गएको समयमा भिरबाट अन्दाजी ५० फिट तल खसेर मृत्यु भएको हो । उनी घर नआएपछि आफन्तीले खोजतलास गर्ने क्रममा आज बिहान ६ बजेतिर मृत अवस्थामा फेला पारेको प्रहरीले बताएको छ ।
साथै उनको शवलाई पोष्टमार्टमका लागि राप्ती प्रादेशिक अस्पताल तुलसीपुरमा राखिएको प्रहरीको भनाइ छ ।।
प्रकाशित मिति : २०७८ कार्तिक २५ गते बिहिवार
