२७ पुस, दाङ- मोबाइल चोरी गरेको आरोपमा घोराहीका एक युवक पक्राउ परेका छन् । पक्राउ पर्नेमा घोराही उपमहानगरपालिका वडा नं. ७ का २९ वर्षीय सुरज नेपाली हुन । प्रहरीले उनलाई सोमबार साँझ ६ बजे घोराही १४ स्थित नयाँ बसपार्कबाट पक्राउ गरेको हो ।
शंकास्पद रुपमा हिडेको देखेपछि प्रहरीले सुरजमाथि सोधपुछका साथै चेकजाँच गरेको थियो । सोही समयमा उनको साथबाट ४ थान मोबाइल फेला परेको जिल्ला प्रहरी कार्यालय दाङले जानकारी दिएको छ । ति मोबाइल तुलसीपुरका विभिन्न ठाउँबाट चोरी गरेर ल्याएको खुल्न आएको प्रहरीको भनाई छ ।
तर मोबाइल कसको हो भन्ने अहिलेसम्म खुलेको छैन । सुरजको साथबाट प्रहरीले स्यामसुङ कम्पनीको जे ७ एक थान, ओप्पो कम्पनीको एक थान, स्यामसुङ जे ७ कै अर्को एक थान र टेक्नो कम्पनीको सेतो रङको साथमा प्याटर्न लक भएको एक थान गरी ४ थान मोबाइल बरामद गरेको छ । मोबाइल धनीलाई जिल्ला प्रहरी कार्यालय दाङले सम्पर्क गर्न आग्रह गरेको छ ।
