दाङ लगाएत पश्चिम तराईका ५ जिल्लामा भदौ २७ गते सार्वजनिक बिदा

२४ भदौ,घोराही  – भदौ २७ गते आईतबार दाङ लगाएत थारु बाहुल्यता रहेको पश्चिम तराईका ५ जिल्लामा सार्वजनिक बिदा दिइएको छ ।

सुदूरपश्चिम प्रदेशको कैलाली, कञ्चनपुर र लुम्बिनी प्रदेशको दाङ, बाँके र बर्दिया जिल्लामा अट्वारी पर्वको अवसरमा बिदा दिइएको हो ।

लुम्बिनी र सुदूरपश्चिम प्रदेश सरकारको आन्तरिक मामिला तथा कानून मन्त्रालयले अट्वारी पर्वको अवसरमा सार्वजनिक बिदा दिने निर्णय भएको बताएको छ ।।