२३ माघ,घोराही –
लमही खानेपानी उपभोक्ता तथा सरसफाई संस्थाको निर्वाचनमा जंगबहादुर चौधरीले नेतृत्व गरेको संयुक्त लोकतान्त्रिक प्यानल बिजयी भएको छ । ९ जना कार्यसमितिका लागि खानेपानी संस्थाको हिजो मतदान भएको थियो ।
कुल ४ हजार २ सय ७७ मतदाता रहेका मध्ये २ हजार ७ सय ९ मत खसेको थियो । १० मत बदर भएको निर्वाचन संयोजक कुलचन्द्र पौडेलले जानकारी दिनुभएको छ ।
जसमा अध्यक्ष पदका लागि जंग बहादुर चौधरीले १ हजार ५ सय १८ मत प्राप्तगरि निवार्चित हुनुभएको छ । उहाँका प्रतिस्पर्धी सनम कुमार पौडेलले १ हजार ४३ मत प्राप्त गर्नुभएको हो ।
यसैगरी उपाध्यक्ष पदमा सीतादेबी चौधरीले १ हजार ४ सय २१ मत प्राप्तगरि निवार्चित हुनुभएको छ भने उहाँका प्रतिस्पधी श्यामकला भुसालले ९ सय ३३ मत प्राप्त गर्नुभएको थियो ।
सचिब पदका लागि बसन्त आचार्यले १ हजार २ सय ३३ मत प्राप्तगरि निवार्चित हुनुभएको छ भने उहाँका प्रतिस्पधी दशरथ घिमीरेले १ हजार १ सय ७९ मत प्राप्त गर्नुभएको छ ।
यसैगरी कोषाध्यक्ष पदका लागि बासुदेब गौतम निवार्चित हुनुभएको छ । यस्तै सदस्यहरुमा जगनारायण चौधरी, किरण चौधरी, ज्ञान बहादुर विक, शिवा चौधरी र सीता खत्री पोख्रेल निवार्चि भएको निर्वाचन संयोजक कुलचन्द्र पौडेलले जानकारी दिनुभएको छ ।।
