१८ कात्तिक,घोराही –
नेपालमा पहिलोपटक आयोजित रियाल्टी शो दोहोरी च्याम्पियनका बिजेता मिना बुढाथोकी र तृतीय रिता रावतलाई घोराहीमा सम्मान गरिएको छ । राष्ट्रिय लोक तथा दोहोरीगित प्रतिष्ठान नेपाल जिल्ला कार्य समिति दाङले घोराहीमा एक कार्यक्रम गरी स्वागत तथा सम्मान गरेको हो ।
सो क्रममा च्याम्पियनका बिजेता मिना बुढाथोकीको जोडि बनेर भाग लिनुभएका प्रकाश पराजुलीलाई पनि सम्मान गरिएको थियो । मयुर नाच तथा बाजागाजासहित घोराही बजार परिक्रमा गरी तुलसीपुरचोकमा पुगेर कार्यक्रम गरिएको हो । प्रतिष्ठान दाङ खाशाका अध्यक्ष राजेन्द्र दाहालको अध्यक्षता तथा घोराही उपमहानगरपालिका प्रमुख नरुलाल चौधरीको प्रमुख आतिथ्यता एवं प्रतिष्ठानका केन्द्रिय पुर्व अध्यक्ष चन्द्र शर्माको विशिष्ठ आतिथ्यतामा सम्मान कार्यक्रम गरिएको हो ।।
प्रकाशित मिति : २०७८ कार्तिक १८ गते बिहिवार
