१९ पुस, रुकुम पश्चिम – मतदाता नामावली सङ्कलन बिशेष कार्यक्रम अन्र्तगत रुकुम पश्चिममा ४ हजार ८ सय ३१ जनाले मतदाता नामावलीमा नाम दर्ता गराएका छन् । मंसिर १७ देखि पौष ९ गते सम्म दुई चरणमा संचालन भएको मतदाता नामावली सङ्कलन बिशेष कार्यक्रम अन्तगत ५ वटा पालिकामै पुगेर मतदाता नामावली सङ्कलनको काम गरिएको थियो ।
मंसिर १७ गते देखि पौष ९ गते सम्म मुसीकोट नगरपालिका बाहेकका सबै पालिकामा निर्वाचन कार्यालयले मतदाता नामावली सङ्कलन बिशेष कार्यक्रम संचालन गरि मतदाता नामावली संकलनको काम गरेको थियो ।
सबै भन्दा बढि चौरजहारी नगरपालिकामा ११ सय ७५ जनाले आफ्नो नाम मतदाता नामावलीमा दर्ता गराएका छन् भने सबै भन्दा कम बाँफिकोट गाउँपालिकामा ८ सय ३६ जनाले मतदाता नामावलीमा आफ्नो नाम दर्ता गराएको जनाइएको छ ।।
प्रकाशित मिति : २०७८ पुष १९ गते सोमवार
