१८ पुस, काठमाडौं- नेकपा माओवादी केन्द्रले निर्वाचन कार्यक्रम पुनः संशोधन गरेको छ । पार्टीको आठौं महाधिवेशनमा केन्द्रीय सदस्य चयनका लागि सहमति जुट्न नसक्दा निर्वाचन आयोगले निर्वाचन कार्यक्रम पुनः संशोधन गरिएको जानकारी दिएको हो ।
शनिबार नै निर्वाचन तालिका सार्वजनिक गरिए पनि आइतबार दिउँसो २ बजेदेखि उम्मेदवारी मनोनयन दर्ता गर्ने भनिएको थियो । तर, आइतबार उम्मेदवारी दर्ता समय ४ देखि ५ बजेसम्मका लागि तय गरिएको छ ।
आयोगका अध्यक्ष विष्णुपुकार श्रेष्ठद्वारा जारी विज्ञप्तिमा मतदानको समय भने सोमबार विहान ८ देखि १ : २५ सम्मका लागि तोकिएको छ ।
प्रकाशित मिति : २०७८ पुष १८ गते आइतवार