१५ कार्तिक,घोराही –
घोराही उपमहानगरपालिका ११ ले वडा भित्र रहेका जेष्ठ नागरिकहरुलाई सम्मान गरेको छ । वडाले बिगत ४ बर्षदेखि गर्दै आएको नियमित जेष्ठ नागरिक सम्मान कार्यक्रम अन्तर्गत आज वडा भित्रका ३७ जना जेष्ठ नागरिकहरुलाई दोसल्ला र लठ्ठी प्रदान गरि सम्मान गरेको हो । वडाध्यक्ष कुलबहादुर लामिछानेको अध्यक्षतामा भएको कार्यक्रममा बोल्दै वडा सदस्य चित्रबहादुर डाँगी, दलित महिला सदस्य एवम् कार्यपालिका सदस्य बिमला गन्र्धव र महिला सदस्य काली चौधरीले जेष्ठ नागरिकको सम्मान गर्नु सबैको दायित्व भएको बताएका थिए । पछिल्ला दिनहरुमा पारिवार तथा समाजबाट नै वृद्धवृद्धाहरुअपहेलित हुने क्रम बढेको भन्दै सर्वत्र चासो र चिन्ता प्रकट हुन आवश्यक रहेको बताएका हुन् ।
यस्तै वडाध्यक्ष लामिछानेले जेष्ठ नागरिकको अनुभवलाई सामाज रुपान्तरणमा प्रयोग गर्ने भन्दै मुलुक परिर्तनमा जेष्ठ नागरिकले खेलेको भुमिका अतुलनिय रहेका वताउनुुभएको थियो । साथै जेष्ठ नागरिको हौसला र सम्मानका लागि आगामी दिनहरुका यस्ता कार्यक्रमलाई निरन्तरता दिने पनि बताउनु भएको छ । वडा सदस्य ज्ञानेन्द्र बहादुर बिसीको स्वागत मन्तव्यबाट शुरु भएको कार्यक्रमको सहजिकरण वडा सचिब लक्ष्मी बहकरीले गर्नभएको थियो ।।
